aakhir ek din sab ko marnaa hotaa haii

آخر   اک    دن سب    کو   مرنا   ہوتا ہے  

یعنی   مصرع      پورا      کرنا      ہوتا    ہے   

میں   دریا    کی    گہرائی     تک    جاتا   ہوں  

میں   نے   کون    سا   پار    اترنا    ہوتا   ہے  

اپنے  آنسو    آپ     ہی  رونا    ہوتے  ہیں  

اپنا   گھاؤ    آپ    ہی      بھرنا    ہوتا   ہے  

اس   صحرا   کو    پنچھی    پوجنے    آتے ہیں 

جس صحرا کے دل میں جھرنا ہوتا ہے

ہم تو زمیں پر رینگنے والے کیڑے ہیں

ہم نے کب ہجرت سے ڈرنا ہوتا ہے

اڑنے    والے      کیسے    بھول گئے عامیؔ

پاؤں   آخر     خاک    پہ   دھرنا    ہوتا ہے