بات دل کو مرے لگی نہیں ہے

بات دل کو مرے لگی نہیں ہے

میرے بھائی یہ شاعری نہیں ہے

جانتی ہے مرے چراغ کی لو

کون سے گھر میں روشنی نہیں ہے

کوئی مجنوں کوئی فرہاد بنا پھرتا ہے

urdu point selection

آخر اک دن سب کو مرنا ہوتا ہے

آخر    اک     دن    سب  کو  مرنا  ہوتا  ہے

یعنی     مصرع      پورا      کرنا      ہوتا  ہے

میں   دریا  کی    گہرائی    تک    جاتا    ہوں

میں   نے  کون    سا    پار    اترنا    ہوتا ہے

اپنے  آنسو    آپ    ہی  رونا    ہوتے    ہیں

اپنا     گھاؤ    آپ    ہی      بھرنا     ہوتا   ہے

اس    صحرا    کو پنچھی    پوجنے آتے ہیں

جس صحرا کے دل میں جھرنا ہوتا ہے

ہم تو زمیں پر رینگنے والے کیڑے ہیں

ہم نے کب  ہجرت  سے  ڈرنا ہوتا  ہے

اڑنے  والے  کیسے    بھول    گئے    عامیؔ

پاؤں  آخر  خاک  پہ   دھرنا    ہوتا    ہے

ورنہ دریا سے سمندر بھی گزر سکتا ہے

جتنے پانی میں کوئی ڈوب کے مر سکتا ہے 

اتنا پانی تو مری  اوک  میں   بھر  سکتا  ہے

یہ تو میں روز  کنارے  پہ  کھڑا  سوچتا  ہوں

پیاس بڑھ سکتی ہے دریا بھی اتر سکتا ہے 

کہاں سے لاتے ہو مال و منال جانتے ہیں

                                                      کہاں  سے  لاتے ہو مال  و  منال   جانتے ہیں 
                                                      حرام  کرتے  ہو  جیسے  حلال  ' جانتے    ہیں

                                                      ترے تو چہرے پہ لکھا  ہوا  ہے  تُو کیا  ہے 
                                                      فقیر  ورنہ  ترے  دل کا  حال ' جانتے    ہیں

                                                      یہ شکل ایک طرف ہے مرا تو نام و نسب 
                                                      تمھارے  شہر  کے سب کو توال  جانتے ہیں

                                                      ہر ایک غم کو سمجھتے ہیں آخری  غم ہے 
                                                      یہ تیرے  سادہ دِلاں  بھی کمال جانتے ہیں

                                                      ہمارے بعد  یہاں  کس کا  ذکر   ہونا   ہے 
                                                      حضور چھوڑیے محفل کا حال ' جانتے  ہیں

                                                      مَیں اِس لئے یہاں حدِ ادب میں رہتا   ہوں 
                                                      کہ بدمعاش' مری چال ڈھال  جانتے    ہیں

                                                      تری سند کی ضرورت نہيں  مجھے   دُنیا 
                                                      میں کیا ہوں' کیا نہيں اہلِ کمال جانتے ہیں

                                                      یہ دِین دار ہمیں  کیا  بتائیں   گے '  عامی 
                                                      جو ہونے  والا  ہے  آگے   سوال ' جانتے  ہیں
                                                                     عمران عامیImranAami

                                            

کوئی مجنوں کوئی فرہاد بنا پھرتا ہے

کوئی مجنوں کوئی فرہاد بنا پھرتا ہے

عشق میں ہر کوئی استاد بنا پھرتا ہے

جس سے تعبیر کی اک اینٹ اٹھائی نہ گئی

خواب کے شہر کی بنیاد بنا پھرتا ہے

پہلے کچھ لوگ پرندوں کے شکاری تھے یہاں

اب تو ہر آدمی صیاد بنا پھرتا ہے

دھوپ میں اتنی سہولت بھی غنیمت ہے مجھے

ایک سایہ مرا ہم زاد بنا پھرتا ہے

باغ میں ایسی ہواؤں کا چلن عام ہوا

پھول سا ہاتھ بھی فولاد بنا پھرتا ہے

نقش بر آب تو ہم دیکھتے آئے لیکن

نقش یہ کون سا برباد بنا پھرتا ہے

کوئی میرا امام تھا ہی نہیں

کوئی میرا امام تھا ہی نہیں

میں کسی کا غلام تھا ہی نہیں

تم کہاں سے یہ بت اٹھا لائے

اس کہانی میں رام تھا ہی نہیں

جس قدر شور آب و گل تھا یہاں

اس قدر اہتمام تھا ہی نہیں

اس لیے سادھ لی تھی چپ میں نے

اس سے بہتر کلام تھا ہی نہیں

ہم نے اس وقت بھی محبت کی

جب محبت کا نام تھا ہی نہیں

تو کہاں راستے میں آ گئی ہے

زندگی تجھ سے کام تھا ہی نہیں

وقت نے لا کھڑا کیا اس جا

جو ہمارا مقام تھا ہی نہیں

اس لیے خاص کر دیا گیا عشق

عام لوگوں کا کام تھا ہی نہیں